11.井底之蟻 (劇場版)
作曲：楊斌
作詞：圍谷
（女）咁多年來
呢間咖啡店 始終都冇變到
變嘅 反而係我同你之間
已經唔係以前嘅我地
但值得慶幸嘅喺
我地到今日 仲有機會 坐係呢度傾計
終于都相信一句說話
分咗手嘅愛人 都仲可以做到朋友
（唱）再見你 咖啡店內我再見你
已經替換了新手機
指間的婚戒散發出福氣 卻見你……
（女）我知 我唔應該同你講咁多我宜家嘅嘢
但我唔同你講 我可以同邊個講呢
我知你宜家仲一直好愛我
但我點忍心返來你 來傷害你呢
雖然佢對我唔好 但如果呢一刻
我返來你身邊 對你係好唔公平伽
你問我 到底仲愛唔愛你 你想我點答吖？
（唱）如昨天 不拋低我
簡單的過 唱淡淡愛歌
枕邊輕說晚安
冷飯暖湯 抱著看叮當
而你講 光陰寶貴
只得一世 要做富貴妻……
（男）其實 你愛唔愛我唔緊要
關鍵係要自己過得開心
分咗手咁耐
我已經習慣咗一個人生活
一個人扮演住喜怒哀樂嘅角色
每個故事都有個終點 呢個終點未必係完美嘅
記得收音機DJ講過
無論結局係點 都要樂意接受
我雖然好愛你 但宜家又唔可以係埋一齊
我心痛你 但又唔知可以做D乜
我知我以前俾唔到你想要嘅嘢你
光陰寶貴 只得一世 要做富貴妻
所以你選擇咗放手
我知我再都冇機會去照顧你
所以我希望永遠可以成為你忠實嘅聽眾
（女）你咁樣 我會好心痛你嘅
你堂堂大男人
點可以為咗一個已婚嘅女人 去難為自己吖
以前係我太現實
追求自己想要嘅嘢 而放棄咗我地之間嘅感情
對唔住吖 係我自私 傷害咗你
我好內疚吖 我真係好內疚吖
我咁樣嘅女人 點解你仲要對我咁好吖
（唱）如昨天 不拋低我
簡單的過 唱淡淡愛歌
枕邊輕說晚安 冷飯暖湯 抱著看叮當
而你講
這世上 繽紛美麗 錢和愛 領悟真諦
我也經已有家
即將一天 誕下個娃娃……
（男）雖然 我已經用咗自己嘅嫁帖
但喺 你係我愛得最深嘅人
有一種愛叫放手 又有一種方式
係見到你開心幸福 我就會快樂
愛一個人有好多種方式
甜言蜜語係短暫嘅
真愛只會體現係無微不至嘅關懷
同實際行動當中……
好好照顧自己
你嘅大雄已經唔係我了
大雄同靜宜嘅童話故事 已經完滿結束
遺憾嘅喺 我曾經做過果個主角……
當然 經過呢間咖啡店
我都會駐足觀望
足以回味
獻給同樣“曾經做過大雄嘅男主
| 
